Am Faoilleach agus toiseach a’ Ghearrain – tha gnothaichean air a bhith trang san t-Seomar Dhorcha, a bharrachd air san Àite-obrach Clò-bhualaidh.
Tha Tara Drummie air a bhith trang a’ toirt air adhart dealbhan toll-prìne a chaidh an cruthachadh aig bùth-obrach ann an Sgoil Uibhist a Tuath, le sia-deug sgoilear bho chlasaichean 4, 5 agus 6. Tha iad seo gan sealltainn ann an taisbeanadh Through the Pinhole an-dràsta – taisbeanadh laghach a dh’fheumas sibh fhaicinn, sa chafaidh ann an Taigh Chearsabhagh.
Tha an obair seo na dheagh eisimpleir air a’ bhuannachd a tha ri fhaighinn bho luchd-ealain a bhith ag obair ann an com-pàirt leis a’ choimhearsnachd.
Tha mi toilichte a ràdh gu bheil an t-Seomar Dorcha cuideachd ga chleachdadh le cuid de na buill ùra – mar sin feuch gun cuimhnich sibh seisean a ghlèidheadh mus tig sibh a dh’obair anns na stiùidiothan.
Tha mi air corra Bhùth-obrach Clò-bhualaidh a ruith airson oileanaich NC agus BA aig UHI – dh’obraich a h-uile duine eagallach fhèin cruaidh, chòrd e math riutha agus rinn iad obair mhìorbhaileach.
Bhiodh e fìor mhath a bhith an lùib iomlaid clò-bhualaidh 20:20 am-bliadhna – tha seo a’ gabhail àite as t-fhoghar. Chan e tachartas dealbhadaireachd a tha seo ach gabhaidh iad clò-bhualaidhean didseatach. ’S e iomlaid clò-bhualaidh chliùiteach a tha seo, tha e spòrsail a bhith gabhail pàirt ann, agus ’s e deagh àrd-ùrlar a th’ ann do chlò-bhualadairean airson an obair aca a thaisbeanadh.
Feumaidh Aite-obrach Clò-bhualaidh Taigh Chearsabhagh 5 buill airson pàirt a ghabhail san tachartas, chuireadh e an Aite-obrach Clò-bhualaidh air ais air a’ mhapa….Airson tuilleadh fiosrachaidh mun tachartas seo, bruth an seo airson tadhal air làrach-lìn 20:20.
[Còir-deilbh: Nicola Neate, 2023]