Nam Cho-òrdanaiche Àite-obrach Clò-bhualaidh agus Seòmair Dhorcha, tha mi air a bhith a’ cur air dòigh agus a’ ruith bhùthan-obrach airson Oilthigh na Gàidhealtachd is nan Eilean (UHI) a bharrachd air leasachadh agus cuir air dòigh an tachartas Ionnsachadh agus Mothachadh Fiadhachd.
Airson an tachartais seo, thaisbean John Kippin an obair aige agus ruith e a’ bhùth-obrach dhealbhadaireachd – Mòran taing John, bha seo air leth tarraingeach agus tlachdmhor.
Taing Shona NicIllFhialain agus Jamie Boyle bhon RSPB airson na h-òraidean agus cuairt fiosrachail agaibh – bha fìor dheagh shìde againn air a shon agus bha e sònraichte math.
Rinn sgioba chafaidh Thaigh Chearsabhaigh uileag am biadh lòn, tì agus na cèicean airson Ionnsachadh agus Mothachadh Fiadhachd – bha e sgoinneil agus blasda – mòran taing!
Taing do na ghabh pàirt (Jannette, Karen agus Keith) airson ur dealas, spionnadh agus oidhirp – bha cuid den chlò-bhualadh làidir dha-rìreabh – tha an taisbeanadh a’ coimhead fìor choileanta. Chuir e iongnadh mòr orm na rinn sinn de dh’obair ann an ùine ghoirid. Tha mi a’ smaoineachadh gur e ceithir latha gu math brosnachail a bh’ ann don h-uile duine!
Tha obair a chaidh a chruthachadh aig tachartas Ionnsachadh agus Mothachadh Fiadhachd a-nis ga thaisbeanadh sa ghailearaidh ann an Cafaidh Thaigh Chearsabhaigh, gu 10.06.23.
’S e aon de na rudan a tha cho math mu dheidhinn stiùidiothan fosgailte, ’s e a bhith a’ co-roinn dòighean-obrach. Tha bùthan-obrach agus ballrachd stiùidiothan a’ tabhann cothruim àiteachan brosnachail a leasachadh airson deasbad, compàirteachas, agus taic. Bhiodh e mìorbhuileach cumail oirnn a’ toirt fiathachadh do Chlò-bhualadairean is Dealbhadairean eile gus barrachd bhùthan-obrach a ruith!
Chuirinn fàilte air na beachdan agaibhse airson seo – cò bu toigh leibh bùth-obrach a thabhann?
Cuiribh postd gu nicola@taigh-chearsabhagh.org le molaidhean sam bith.
Còir-deilbhe: John Kippin & Nicola Neate.