Fios air ais bho dithis bhall ùra
Fiona:
Tha mi air a bhith a’ cleachdadh an Àite-obrach Clò-bhualaidh thairis air na 10 bliadhna mu dheireadh. Bha mi toilichte ged tà feum a dhèanamh den t-Seisean Tòiseachaidh le Nicola Neate, airson eòlas a chur air cruth ùr an àite agus na h-àiteachan stòraidh.
Tha an t-àite-obrach iongantach, nas motha agus sàbailte, leis an uidheam agus stuthan riatanach gu lèir rim faighinn. Chlàr mi airson a’ bhùth-obrach sa bhad, agus tha seisean leth-latha gu math torrach air a bhith agam gu ruige seo.
Gu pearsanta, tha mi toilichte gu bheil teicneòlaiche ri làimh airson fiosrachadh mu dheidhinn stuthan ùra a tha deiseil rin cleachdadh. Mhol mi a’ bhùth-obrach do cho-obraiche.
Tha e air leth cudromach do mhòran luchd-cleachdaidh gu bheil an goireas seo ri fhaighinn ann an Uibhist.
Marnie:
Seisean air leth tlachdmhor san stiùidio clò-bhualaidh air ùrachadh. Bha a h-uile sian air a chur a-mach, air a dheagh chur air dòigh agus glan. Air dhòigh air choreigin tha an suidheachadh ùr anns a bheil a’ bheairt-clò a’ dèanamh barrachd feum den rùm, gus an urrainn dithis obrachadh còmhla gu comhfhurtail. Tha na cìsean gu math reusanta. Ged a bhiodh e math nam biodh e fada na bu mhotha, tha e air a dheagh chur air dòigh a rèir ’s an rùm a tha ann air a shon.
Gheibh sibh tuilleadh fiosrachaidh mu na stiùidiothan agus cothroman trèanaidh air duilleag Àite-obrach Clò-bhualaidh agus an Seòmar Dorcha air an làrach-lìn againn.
Còir-deilbhe: Nicola Neate.