’S e Creutairean Miotasach taisbeanadh de dh’obair a chaidh a chruthachadh aig sreath bhùthan-obrach do chloinn, is iad a’ sgrùdadh charactaran bho bheul-aithris Ghàidhlig. Chaidh na trì bùthan-obrach an cumail aig Taigh Chearsabhagh le naoi sgoilearan, aois 8 gu 13. Bha na creutairean miotasach a chruthaich iad stèidhichte air cunntasan sgrìobhte bho bheul-aithris Ghàidhlig. An toiseach, rinn a’ chlann cyanotypes bho na dealbhan aca air na caractaran a thagh iad fhèin. An uair sin, rinn iad ìomhaighean dhiubh le creadh a bhios a’ tiormachadh san èadar. Chaidh dealbhan an gabhail dhiubh air a’ chladach agus rinneadh cyanotypes leotha sin. Chleachd a’ chlann an uair sin na h-ìomhaighean a rinn iad, airson ‘preasaichean iongantas’, le stuthan ath-chuairtichte agus rudan a lorg iad. Bha na bùthan-obrach air an cur air dòigh agus air an stiùireadh le Kathrhona Lawson.
Chithear obair san taisbeanadh bho Alexia Criado, Cathal Dobbie, Joseph Leveson-Gower, Alexandra NicDhòmhnaill, Katie NicDhòmhnaill, Kaylah NicDhòmhnaill, Orla Mhoireasdan, Jack Prior-Pitt agus Johan Prior-Pitt.
Cheumnaich Kathrhona bho Oilithigh na Gàidhealtachd is nan Eilean bho chionn ghoirid, le Urram anns na h-Ealain Saora. Tha ceanglaichean bhon linn a dh’fhalbh, tro bheul-aithris, agus leantainneach sgeulachdan a chaidh an diochuimhneachadh, a’ ruith tron obair iomadh mheadhan aice. Tha ùidh aice ann an com-pàirteachadh sòisealta agus coimhearsnachd agus sin a thug oirre bùthan-obrach a ruith bho chionn ghoirid, aig Taigh Chearsabhagh agus An Talla Solais.
Tha an taisbeanadh an-asgaidh agus fosgailte don h-uile duine bho 10m-4f, Diluain gu Disathairne, anns a’ Chafaidh ann an Taigh Chearsabhagh. Ma tha thu nad neach-ealain òg le obair san taisbeanadh seo, gheibh thu seòclaid teth an-asgaidh – chan fheum thu ach faighneachd sa Chafaidh.
Nam bu toigh leibh taic a chur ris a’ phrògram againn agus ar cuideachadh tachartasan a thabhann an-asgaidh, dh’fhaodadh sibh tabhartas a thoirt do Thaigh Chearsabhagh.
Còir-deilbhe: Kathrhona Lawson.