Dè am fuaim a tha aig feasgaran Shathairne? Dh’fhaodadh Disathairne àrd-ghlòrach a bhith agad leis an t-sreath shònraichte againn de bhùthan-obrach fuaim, air an dealbhachadh le Donnchadh MacLèoid, an ceòladair air mhuinntearas againn.
Tha sinn a’ cur air adhart trì seiseanan an seo aig Taigh Chearsabhagh, cuide ri neach-ealain Calum Fearghasdan, far an ionnsaich sibh dòighean anns an gabh fuaim cleachdadh airson ceòl agus buaidhean-fuaim a chruthachadh.
Thairis air na trì seiseanan, ionnsachaidh sibh mar mar a nì sibh clàradh agus deasachadh air fuaim le bhith a’ cleachdadh uidheam shònraichte airson clàradh a-muigh agus a-staigh. Gheibh sibh cuideachd cothrom teicneòlas annasach fheuchainn, a nì clàradh air fuaim fon uisge agus fon talamh!
Tha na seiseanan an-asgaidh seo airson clann aois 8-14 bliadhna a dh’aois agus aig a bheil ùidh ann a bhith ag obair le fuaim agus ceòl. Bidh Calum a’ cleachdadh Gàidhlig agus Beurla – bidh fàilte blàth ron Ghàidhlig agaibhse.
Bidh measgachadh de dh’obair a-staigh agus a-muigh an lùib na seiseanan fuaim seo. Bu chòir dhuibh aodach agus brògan freagarrach a thoirt leibh, a’ gabhail beachd air cho caochlaideach sa tha an t-sìde. Ma tha cluasan-cìnn ùeir agaibh fèin, thoiribh iad sin leibh cuideachd.
Nam bu toigh leibh tighinn airson dìreach aon seisean no dhà, tha sibh làn di-beathte sin a dhèanamh. Taghaibh an t-seachdain a tha a dhìth oirbh le bhith cleachdadh na roghainnean aig bonn na duilleige.