Tha Taigh-ciùil na shreath de dh’oidhcheannan de cheòl beò leis an luchd-chiùil dhùthchasach as fheàrr agus bàr le cead-dibhe. Tha Taigh Chearsabhagh cho toilichte fios a leigeil gum bi na h-Uibhistich ealanta Pàdruig Moireasdan, Chloe Steele agus Sheena Peteranna a’ seinn air 10 Ògmhios cho math ri luchd-ciùil air aoigheachd a thèid ainmeachadh air an oidhche fhèin. Tha sinn an dòchas gun tèid agad air a bhith leinn airson oidhche bharraichte de cheòl leis an luchd-chiùil ealanta seo.
Tha e deatamach gun cuir thu an tiogaid agad air dòigh ro làimh, a dh’fhaodas tu ceannach gu h-ìseal. Bidh cuid de thiogaidean rim faighinn air an doras, ach le crìochan comais teann, chan urrainn dhuinn gealltainn gum bi iad rim faighinn.
—
Tha Pàdruig Morrison na cheòladair agus na sgrìobhadair-ciùil à Griomasaigh ann an Uibhist a Tuath. Tha an obair aige a’ gabhail a-steach sgrìobhadh airson an sgàilein agus do Cho-cheòladairean clasaigeach, a bharrachd air a bhith a’ seinn le iomadh còmhlan-ciùil dùthchasach aig mòran de dh’fhèisean na h-Alba. Tha e a’ cluich gu cunbhalach leis a’ chòmhlan Uibhisteach Beinn Lì, ach cuideachd a’ cluich leis fhèin agus bha e sa chuairt dheireannach de dh’fharpais Ceòladair Òg na Bliadhna aig BBC Radio Alba ann an 2020, agus tha e a’ dèanamh PHD ann an Sgrìobhadh a’ Chiùil.
Gabhaidh Pàdruig measgachadh de cheòl ùr air a sgrìobhadh cho math ri port na dhà nas aosta bho dhualchas Uibhist.
—
Tha Chloe Steele na Seinneadair is na Pìobaire Gàidhlig a rugadh is a thogadh ann an Uibhist a Deas. Is e dualchas eilean a dùthchais cuspair mòr a cuid ciùil. Tha ceòl Chloe air iomadh cothrom a thoirt dha cluich san sgìre, san rìoghachd agus thall thairis. Bidh Chloe a’ cluich taghadh den cheòl ace fhèin agus de cheòl a bhuineas do dh’Uibhist.
—
À Uibhist a Deas, tha Sheena anns a’ bhliadhna mu dheireadh air a’ cheum BA ri Ceòl an Gnìomh aig OGE, a’ sealltainn gu sònraichte air cluich, agus tha i air a bhith ga teagasg le Iain Dòmhnallach agus Seumas Donnchadh MacCoinnich. Tha i a’ dol air chuairt air a’ Ghàidhealtachd le Fèis Rois as t-samhradh 2022 agus a’ dol air cuairt fad mìos anns a’ Ghearmailt anns an Ògmhios. Tha Sheena air a bhith a’ cluich leis na còmhlain Far Flung Collective agus Argyll Ceilidh Trail agus aig Celtic Connections is Celtic Colors.
Tha Sheena Peteranna a’ nochdadh fhonn dualchasach a tha sìmplidh is àlainn air a’ phìob, air fìdeagan, agus air duisealan, agus nan cois crònan an nàdair bho thimcheall air an dachaigh aice ann an Uibhist a Deas. Bheir an ceòl drùidhteach seo an luchd-èisteachd a-steach ann an lèirsinn agus claisneachd tro fhilm beò, a chaidh a thogail ann an àiteachan mu Uibhist a Deas faisg air a cridhe.