A bheil thu nad neach-cruthachail stèidhichte sna h-eileanan? Am bu toigh leat còmhradh, agus an obair agad a shealltainn, cuide ri daoine eile coltach riut fhèin ann an Innse Gall, Sealtainn agus Arcaibh?
Anns an tachartas air-loidhne seo air Diardaoin 27 Màrt, 7f -8.30f, le taic bho An Lanntair, Shetland Arts, Taigh Chearsabhagh, agus Pier Arts Centre, gheibh a h-uile duine cothrom sealltainn do luchd-cruthachail eileanach eile rudeigin air a bheil iad ag obair. Dh’fhaodadh gur e peantadh a th’ ann, no dealbh, snaigheadh, aithris pìos sgrìobhaidh, òran, no fiù ’s cuairt coiseachd timcheall an àite-obrach no stiùidio agad – rud sam bith a tha a’ sealltainn far a bheil sibh gu cruthachail an-dràsta. (Ach thoiribh fa-near nach fheum sibh idir dad a shealltainn mur a togar sibh; tha èisteachd agus coimhead ceart gu leòr cuideachd!)
A rèir nan àireamhan, tha dùil againn an uair sin a dhol ann am buidhnean nas lugha airson còmhraidh, gus am bi tachartas socair, neo-fhoirmeil againn, a’ toirt luchd-cruthachail eileanach bho air feadh Alba còmhla, le coimeas ri cèilidh agus suirghe aig astar!
Gheibh a h-uile duine a ghlèidheas tiogaid ceangal Zoom, 24 uair ron tachartas.
Tha No Artist Is An Island ga lìbhrigeadh le Even Here, Even Now, iomairt agus manifesto às leth luchd-ealain eileanach ann an Alba. Gheibh sibh tuilleadh fiosrachaidh mu Even Here, Even Now an seo: https://www.shetlandarts.org/projects/even-here-even-now