Obair ùr le Bandit Campbell agus Lois Eastburn
Coimisean Clàr 2025
’S ann mu dheidhinn chòraichean fhearainn a bu chòir Landings a bhith. Tha e a’ sìneadh thairis air ficsean beachdachail, beul-aithris agus giùlain gòrach amadain. Le sgrùdadh air ciamar a tha eachdraidh air a shnaigheadh san tìr, tha Bandit agus Lois a’ dèanamh deuchainn le stuthan bho thasglainn, agallamhan, sgudal bho youtube, agus clò.
Tha e rudeigin coltach ri faighneachd: cò th’ anns an àite seo agus dè tha sinn a’ dèanamh an seo?
Chithear Landings an-asgaidh ann an Gailearaidh a’ Chafaidh ann an Taigh Chearsabhagh, Diluain-Disathairne, bho 16 Ògmhios gu 26 Iuchar.
’S e sgrìobhadair agus neach-ealain a th’ ann am Bandit, is an obair aca ga stiùireadh tron iomairteachadh aca agus neulach trans. ’S toigh le Lois a bhith a’ feuchainn diofar chiùird agus iad iad air am brosnachadh le eachdraidhean strì phoileataigeach.
Còmhla, nan caraidean is nan companaich, tha iad nas cumhachdaile buileach. Tha iad air tòrr rudan a chruthachadh còmhla, leithid taisbeanaidhean draga, dealbhan-balla grafitti, agus irisean bàrdachd ann an suidheachaidhean. Thogadh iad timcheall Lunainn ach tha an dithis aca a’ fuireach ann an Steòrnabhagh.
Nochd Landings tro choimisean le Clàr, prògram didseatach cruthachail aig An Lanntair airson aois 14-25 bliadhna.
Nam bu toigh leibh taic a chur ris a’ phrògram againn agus ar cuideachadh tachartasan a thabhann an-asgaidh, dh’fhaodadh sibh tabhartas a thoirt do Thaigh Chearsabhagh.