Bidh John Glenday a’ stiùireadh a’ chiad bùth-obrach sgrìobhaidh den t-seusan ùr againn, air Dihaoine 17 Dàmhair, bho 10.30m-12.30f.
Tha am bùth-obrach an-asgaidh ach chan eil mòran àiteachan ann agus feumar àite a ghlèidheadh ron àm. Gheibh sibh tiogaid an-asgaidh tron t-siostam thiogaidean air-loidhne againn, gu h-ìosal.
’S e John Glenday fear de phrìomh bhàird liriceach na h-Alba is e air mòran dhuaisean a chosnadh. Tha na cuspairean aige a’ gabhail a-steach a’ mhuir, an t-adhar; solus agus a’ ghainneid; an spioraid ann an linn saoghalta; ar n-eag-eòlas nàdarra agus daonna, mar a tha iad ag obair eadarra, agus na suidheachaidhean a bhios ag èirigh bho bhith a’ meòrachadh gu sìmplidh air a’ chruinne-cè. Tha e cuideachd na bhàrd iongantach air gaol teaghlaich agus romansach, a bharrachd air àbhachas ghleusta agus aoir.
Tha John air ceithir chruinneachaidhean a sgrìobhadh. Choisinn ‘The Apple Ghost’ (Peterloo Poets 1989) duais Chomhairle Ealain na h-Alba; bha ‘Undark’ (Peterloo Poets 1995) an lùib Molaidhean Poetry Book Society, agus ‘Grain’ (Picador 2010) a bha air a’ gheàrr-liosta an dà chuid airson Duais Ted Hughes agus Duais Griffin International Poetry. Bha an cruinneachadh as ùire aige, ‘The Golden Mean’ (Picador 2015) air a’ gheàrr-liosta airson Leabhar Bàrdachd Albannach na Bliadhna aig Comann Crann na h-Alba.
Bidh John cuideachd a’ leughadh taghadh bhon obair aige aig an Fheasgar Bàrdachd againn air Diardaoin 16 Dàmhair, aig 7.30f. Chan fheum sibh àite a ghlèidheadh ron àm, tha e an-asgaidh agus bidh fàilte romhaibh.
Agus cuiribh seo dhan leabhar-latha! Bidh Bàrd ùr na h-Alba, Pàdraig MacAoidh, a’ leughadh a’ bhàrdachd aige air Diciadain 19 Samhainn aig 7.30f, mar phàirt de Sheachdain Leabhraichean na h-Alba aig Taigh Chearsabhagh.
Nam bu toigh leibh taic a chur ris a’ phrògram againn agus ar cuideachadh tachartasan a thabhann an-asgaidh, dh’fhaodadh sibh tabhartas a thoirt do Thaigh Chearsabhagh.