Tha an sgrùdadh againn air fèin-phortraidean a’ leantainn le taghadh dà bhùth-obrach far am bi sinn a’ feuchainn Dealbhan Daonna. Tha fàilte oirbh tighinn còmhla rinn airson beachdachadh air mar a tha sinn gar faicinn fhèin agus a’ feuchainn dòighean-obrach ùra ann a bhith gar riochdachadh fhèin.
Thèid bùthan-obrach Dealbhadh Daonna an cumail air Dihaoine 8 Samhain, agus a-rithist air Dihaoine 15 Samhain.
Le taic-airgid bho Chomann Ealain Uibhist, tha na cothroman seo gan tabhann an-asgaidh, ach chan eil mòran àiteachan ann agus bu chòir dhuibh àite a ghlèidheadh cho luath ’s as urrain! ’S urrainn dhuibh tiogaid a ghlèidheadh an-asgaidh airson Dealbhadh Daonna air Dihaoine 15 Samhain, gu h-ìosal.
A bharrachd air na bùthan-obrach ann an Dealbhadh Daonna, tha cothrom agaibh cuideachd air bùth-obrach Peantadh Fèin-phortraid air Dihaoine 1 Samhain.
Tha na bùthan-obrach gan tabhann ann an co-bhann le taisbeanadh ‘A’ Coimhead Oirnn Fhèin’, a tha mar thoradh air sreath bhùthan-obrach fèin-phortraid a ghabh àite ann an Taigh Chearsabhagh roimhe seo. Tha an taisbeanadh ri fhaicinn an-asgaidh, ann an Gailearaidh a’ Chafaidh ann an Taigh Chearsabhagh, bho 3 Dàmhair – 30 Samhain, Diluain gu Disathairne, 10m-4f.